‘Thxgiving Concert’ di El Tributo simplemente magnífiko

WILLEMSTAD.- El Tributo, selebrando nan di 75 aniversario, por mira atras riba un ‘Thxgiving Concert’ magnífiko. Despues ku den añanan anterior nan a organisá ‘Remembrance Concert’ na 11 okashon, e aña aki e empresa El Tributo, spesialisá den entiero, a organisá e di dos edishon di ‘Thxgiving Concert’.
E konsierto a konta ku e presentashon di Randal Corsen Extended Orchestra ku e biaha aki a inkluí un sekshon di vio, cello i contrabas.
E repertorio tabata spesial pa e okashon i kansionnan a keda interpretá pa Dibo D, Yumarya Grijt, Rich Pieter i artistanan invitá Richard Engelhardt i Evita Ross.
Bo korant faborito EXTRA a brinda su siguidónan riba su plataforma di Facebook e konsierto kompletu i a risibí masha reakshon positivo for di Ulanda i tambe Kòrsou. Pa esnan ku no a logra pa wak e konsierto nan por bishitá e página di facebook di Extra: extracuracao i bolbe wak e konsierto. Riba potrètnan algun momentu durante dje konsierto.

1 of 4