‘Tierra Adentro’ ganadó di Yellow Robin Award

WILLEMSTAD.- Djasabra último Curaçao International Film Festival Rotterdam a anunsiá e ganadónan di e premio ‘Yellow Robin Award’ i e kompetensia di ‘Caribbean Shorts’.
Skohe un ganadó entre e sinku pelíkula inkreibel di Karibe i Latino Amérika definitivamente no tabata un trabou fásil. E nominadonan pa ‘Yellow Robin Award’ dje aña aki a mustra lugánan asombroso i a konta historianan prosedente di Cuba, Colombia, México, Argentina i Panama.
Durante dje dianan ku a pasa no solamente e públiko na Kòrsou por a disfrutá di e pelíkulanan, pero e hurado ku e aña aki tabata forma pa Bero Beyer, Becca Voelcker i Evan den Heijer, tabatin e honor pa profundisá riba e historia ku kada un a presentá pa skohe e ganadó di e Yellow Robin Award pa 2019.
Menshon spesial a bai pa e obra maestro di Camila Rodriguez titulá ‘Tirana de Colombia en Cenizas’. ‘Un pelíkula ku ta ofresé un meditashon kontundente riba trouma i pèrdida’, un historia ku ta pone bu bandoná e teatro pensando riba esaki.

YELLOW ROBIN
E ‘Yellow Robin Award 2019’ a keda otorgá na ‘Tierra Adentro’. Un dokumental produsí pa e sineasta Mauro Colombo riba e tema ‘Darién Gap’, un parti sera i misterioso di e selva ku ta dividí Panama i Colombia. ‘Ounke ta trata di temanan polítiko importante manera deforestashon i imigrashon, e no ta didáktiko. E ta konta e historia di un migrashon peligroso di Afrika na Latino Amérika pa Merka, loke no mester di mas splikashon.
Mauro Colombo ta bai kas ku un premio di 2500 dòler i derechi riba training/ workshop den kuadro di desaroyo di talento na balor di 7500 dòler na Ulanda òf México. E pelíkula tin e garantia ku lo e ser presentá den e programa ‘Bright Future’ di International Film Festival  Rotterdam den 2019 i durante dje siguiente edishon di Morelia International Film Festial na Mexico.

CARIBBEAN SHORTS
Na nòmber di e hurado i CIFFR a otorgá e premio di ‘Caribbean Shorts Competition’ na Betzabé García pa su pelíkula ‘The Girl with Two Heads’. E hurado pa CSC di e aña aki a keda forma pa Breanne Thomas, Marijan van der Haar i Pablo Baksht a elogio e pelíkula pa motibu di tin un kontròl presis di e imágen ku ta keda presentá na e públiko i tambe e manera ku e imágen ta keda dirigí pa e personahe prinsipal.
Riba fotonan ku ta kompañá e artíkulo bo por apresiá e ganadónan i momentu di entrega di premio.

SHARE

LEAVE A REPLY