MANILA, FILIPINA, AFP.- Tifon Noru a yega Filipina djadumingu, kousando bientu i áwaseru fuerte riba isla di Luzon. Esaki a pone ku míles di persona mester a hui di nan kas.
Outoridatnan a reportá bientu fuerte di 195 kilometer pa ora segun esaki tabata yegando e nashon archipiélago despues ku e tormenta a bira mas intenso.
Filipina ta wòrdu afektá regularmente pa tormentonan, i sientífikonan ta atvertí ku esakinan ta birando mas intenso debí na kalentamentu global.
Gobièrnu a proponé evakuashonnan obligatorio pa áreanan di rísiko haltu, inkluyendo komunidatnan pober ku ta biba serka di riu.
