Tiger Woods a kaba di gana su di sinku Masters Golf Tournament

AUGUSTA, Ga.- Tiger Woods despues di periodonan basta difísil a bolbe haña e titulo di Masters den gòlf. Esaki ta su 5 viktoria. Tiger Woods a lucha duru durante di un periodo relativamente largu i awe djadumingu 14 di aprel el a perkurá pa trese tur loke e tin pa asina finalisá komo e gran kampion durante di e Augusta National Tournament. E públiko a disfrutá kada sekònde di e tremendo presentashon di Woods, un presentashon ku sigur a trese hopi rekuerdo di e tempu di gloria di e estrea aki di gòlf.

A pasa sigur 11 aña despues ku Woods a logra gana su último titulo di Masters. Pa ta eksakto ta 14 aña pasá ku Woods a bisti e jacket bèrdè riba su shirt kòrá. Tabata bale la pena warda pa tremendo viktoria. Despues di realisá ku el a gana Woods a pasa man hisa su yu Charlie (10) ku a nase nèt un aña despues ku el a gana U.S Open na 2008 na Torrey Pines. Despues el a brasa su mama i su yu muhé Sam (11) i tur otro hende ku a keda sostené durante di momentunan difísil manera su divorsio, aresto pa kore bou di influensia i tambe kuater operashon na su lomba. Mas detaye den edishon di EXTRA.

SHARE

LEAVE A REPLY