JOHANNESBURG, SURAFRIKA, AP.- Un tiger di Bengala reskatá, kual aktivistanan a yama e “zoológiko mas pió na mundu” a yega djaweps na Suráfrika na un kas nobo, despues di biba den un kouchi chikitu na Gaza huntu ku e kadaver di un otro tiger.
E machu, di 9 aña, yamá Laziz, a yega den avion. Su kuidadónan a bisa ku e tabata den bon kondishon i kalma despues di biaha den un kònteiner di palu.
E organisashon karitativo Four Paws a kuminsá un proyekto di reskate den e zoológiko Khan Ypunis na Gaza despues di deskubrí ku e parke tabata ekshibiendo kadavernan di animalnan morto dor di strès, enfermedat i hamber.
Despues ku e zoológiko a pidi yudansa, Four Paws a retirá 15 animal djárason, inkluyendo sinku makaku. Mayoria a wòrdu hibá pa un santuario pa animal na Yordania.
E tiger lo wòrdu hibá pa un santuario Lionsrock na Suráfrika. Einan e lo tin un habitát di 10.000 meter kuadrat kaminda e por landa i subi bai na laira. Asina Amir Khalil a bisa, kende tabata na kabes di e asuntu pa Four Paws.
” Laziz ta den bon kondishon, aparte di un raspá na kantu di su kara, kousa a pa e kònteiner”, asina Marina Strydom a bisa, kende ta veterinario di Lionsrock.
E santuario ya tin 90 animalnan felino ku a wòrdu reskatá di diferente parti di mundu.
E kondishonnan na Gaza a deteriorá gravemente desde ku e grupo islamita Hamas a tuma kontrol di e teritorio na 2007, loke a wòrdu sigui pa un blokeo di israelí i Egipto.
Algun aña di konflikto, wenter friu, deskuido i brotenan ei enfermedat a mata mayoria animal den koutiverio na Gaza.
