WILLEMSTAD – Relashoná ku un kaso di atrako ku a tuma lugá dia 7 di sèptèmber 2023 riba un lugá di stashoná outo na un sentro komersial na Veeris, polis a hasi un detenshon.
Djárason 20 di sèptèmber 2023 alrededor di 04.35’or, Tim di Aresto a hasi detenshon di e hòmber sospechoso C.M.H. nasé na Kòrsou di 18 aña di edat.
E detenshon a tuma lugá na un adrès na Rondeklip.
Despues di e detenshon, personal di e Tim di Atrako a tene un entrada hudisial na e adrès ariba menshoná i a konfiská artíkulonan ku ta importante pa e investigashon.
A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.
WILLEMSTAD – Awe den oranan di mardugá vários unidat di Kuerpo Polisial a subi kaya pa un biaha mas ehekutá algun entrada hudisial relashoná ku aktonan kriminal kometa pa sospechosonan. E tim di Aresto huntu ku reshèrshinan di DGC a bishita sigur dos adrès. E promé unu tabata na Andres Belloweg. Einan a drenta un kas relashoná ku un investigashon di droga. Promé informashonnan ta indiká ku no a logra hasi ningun detenshon na e adrès aki. Seguidamente a bai na un adrès den Bonamweg unda tambe a tene un entrada hudisial relashoná ku kasonan di atrako. Aki si a detené un sospechoso. A hiba e hóben warda di polis pa interogashon. Outoridatnan a hasi un búskeda i logra konfiská diferente artíkulo importante pa nan investigashon
Polis awe mainta a manda e siuiente komunikado:
Detenshon relashoná ku atrako
WILLEMSTAD.- Relashoná ku un kaso di atrako ku a tuma lugá dia 7 di sèptèmber 2023 riba un lugá di stashoná outo na un sentro komersial na Veeris, polis a hasi un detenshon. Djárason 20 di sèptèmber 2023 alrededor di 04.35’or, Tim di Aresto a hasi detenshon di e hòmber sospechoso C.M.H. nasé na Kòrsou di 18 aña di edat. E detenshon a tuma lugá na un adrès na Rondeklip.
Despues di e detenshon, personal di e Tim di Atrako a tene un entrada hudisial na e adrès ariba menshoná i a konfiská artíkulonan ku ta importante pa e investigashon.
A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.
