Den lunanan di yüni i yüli di e aña aki, e tim di atrako a realisá bastante detenshon relashoná ku kasonan di atrako ku ta den investigashon.
Den yüni tabatin 8 detenshon i den luna di yüli, e tim a bolbe pone man riba 19 persona ku ta sospechá di tabata enbolbí den kasonan di atrako.
No opstante ku kasonan di atrako tur dia ta keda di atenshon pa kuerpo polisial, e tim aki, sin spar ningun esfuerso ta sigui kombatí e tipo di krímen aki ku hopi determinashon.
Ku e 27 detenshonnan aki den apénas dos luna di tempu, diferente kaso di atrako a keda solushoná.
