Tim maskulino ta logra medaya di bròns

PORT OF SPAIN.- E tim maskulino di Kòrsou a konkistá e di tres lugá di e torneo di tim di COTECC/ITF U12 riba e último dia di wega na Trinidad i Tobago miéntras ku e tim femenino a sali na di kuater lugá.  E tim di mucha hòmber a gana di Sürnam ku 3-0 pero serka e mucha muhénan e tim di Antigua tabata mas fuerte pa esun di Kòrsou ganando e wega ku 2-1. Serka mucha hòmber Ricardo Winkel a derotá e hungadó Akaambaen ku 6-1 i 6-2 i Kyan Henriquez a superá Boaz Koorndijk ku un skor di 6-0 i 6-1. Pa konkluí den e wega di dòbel  Zahyd Josephia i Ricardo Winkel a dominá ganando  Boaz Koorndijk i Aarush Moorjani. Serka mucha muhénan Dewi Nissa a pèrdè den 3 sèt di Zoey James i Gianna Martis tabata ku  un skor di 6-3 i 6-4 mas fuerte ku Aysha Hosam. Dewi Nissa i Giana Martis finalmente a kai chikí den e e wega di dòbel i a pèrdè kontra di Zoey James  Aysha Hosam. Durante di entrega di premio e timnan di Kòrsou a wòrdu sorprendé ku un  premio èkstra. Kyan Henriquez i Dewi Nissa, huntu ku otro hungadónan, a gana e premio di hungadónan mas talentoso di e torneo.

SHARE

LEAVE A REPLY