WILLEMSTAD.- Riba djabièrnè i djasabra último, e Tim Multidisiplinario a parti bastante but pa vários infrakshon kometé kontra di medidanan den kuadro di COVID-19.

Riba djasabra e tim a kontrolá 17 establesimentu di kual 8 tabata kumpli ku tur regla. pero na 6 establesimentu mester a duna un aviso i a parti 5 but.

A duna aviso na un restorant riba Winston Churchillweg, pasobra tabata sirbi kliente sin hasi uso di entrega na outo òf “delivery”.

Na dos negoshi den área di Veeris a duna aviso pa aglomerashon, i tambe no mantené distansia sosial entre su klientenan.

Riba Van Krimpenlaan a atendé ku un persona ku tabata bende paketenan pa dia di mama sin pèrmit. A duna e persona un aviso, pero a duna nan espasio mirando ku ta 1 dia di benta so.

Na un minimarket na Noordzeestraat a duna un aviso pa laga kliente konsumí bebida na e sitio.

Mas aleu riba djasabra e Tim a bai na un bibienda na Kaya Garapa Kavel D-46, kaminda a duna un aviso pa stòp ku posiblemente aktividat di bende bebida di alkohòl na su kas, ku bishitantenan.

Un restorant na Winston Churchillweg 24, a risibí 1 (un) but pa tapaboka, i 1 but pa no ta kumplimentu dje protokòl higiéniko di COVID-19.

Otro establesimentu riba Gosieweg a risibí 2 but pa tapaboka.

Finalmente riba djasabra un minimarket riba Cabo Verdeweg a risibí but pa orario di sera.

E resultado di djabièrnè ta lo siguiente: a kontrolá 15   establesimentu di kual 7 tur kos tabata na òrdu. Pero e tim mester a duna 6   un aviso i parti 5 but.

Un bar/restorant na Edisonstraat a risibí un aviso pa muzik duru.

Snèk na Wishi a haña un    aviso pa sirbi kliente ku ta para na e lokalidat. Minimarket na Schottegatweg West a haña aviso pa aglomerashon.

Un trùk di pan na Schottegatweg West, a risibí 3 but pa tapaboka.

Otro bar na Fokkerweg a haña                                    aviso pa permití mas ku 4 persona na mesa, i tambe a duna 1 but                                                              pa tapaboka.

Minimarket na Berg Altena a haña un aviso pa aglomerashon. Un bar na Bapor Kibra a risibí un aviso pa permití mas ku 4 persona na mesa. Finalmente un bar na Janthiel a haña but pa orario di sera.

LAGA UN KOMENTARIO

Please enter your comment!
Please enter your name here