BOGOTA, AP.- E sekuestradónan atribuí na FARC den e promé trimèster di e aña aki a baha kompará ku e mesun periodo di 2011. Asina Clara Rojas a bisa, eks rehen di e gueria i direktor nobo di un grupo rekonosé no-gubernamental ku ta traha kontra sekuestro i pro pa nan famia.
Segun Fundashon Pais Liber, den e promé trimèster di e aña aki a reportá un total di 81 kaso
di sekuestro, kompará ku e 73 di aña pasa.
Di e 81 kasonan di e aña aki, al ménos 11 persona ainda ta den koutiverio, segun Pais Liber.
Solamente tres di e sekuestronan aki di e promé tres lunanan di e aña aki ta wòrdu atribuí na e gueria, segun e grupo a informá.
“Ta registrá un disminushon supstansial den e sekuestronan hasi a FARC. Durante e promé trimèster di 2011 FARC a sekuestrá 19 persona, siendo ku durante e mesun periodo di 2012 a reportá tres sekuestro”, asina e Fundashon a bisa.
E tres personanan ei ainda ta koutiva den poder di e gueria ei, asina Rojas a bisa den un konferensha di prensa na sede di e Fundashon.