Studiantenan ta bandonando e universidat di Brown
PROVIDENCE, MERKA, AFP.- Polis a detené un persona relashoná ku e tiroteo na universidat di Brown ku a laga dos morto i 9 herido djasabra pasá, tur ta studiantenan, asina polis a informá.
“Ainda no a notifiká tur famia di e víktimanan”, segun Brett Smiley alkalde di Providence un kapital chikí di e estado di Rhode Island.
Huntu ku e alkalde tambe a papia den e rueda di prensa e kolonèl di polis Oscar Perez kende a bisa ku un persona a keda arestá den oranan di ayera mainta i ku te ainda no ta buskando niun hende mas relashoná ku e atake aki. E persona detené ta den kareda di 20 aña, asina el a bisa.
Universidat di Brown ta un di esnan di mas prestigioso di Merka. 8 di e 9 heridonan ta grave pero stabil, asina e alkalde Smiley a bisa.
