AUSTIN, TEXAS, MERKA, AP.- Un tiroteo den un distrito sentral di dibershon na Austin djadumingu mardugá a laga muhé morto, tres herido i esenanan di e kaso. Polis tabata buskando e outor di e tirunan aki.
E suphefe di polis Brian Manleu, a bisa ku un persona a kuminsá tira kontra e multitut despues di un disturbio. “Tabata un esena kaótiko”, segun e ofisial a indiká. “E hendenan den e sentro tabata kore den tur direkshon miéntras bala tabata zona”.
Tabatin denunsia di tiru den e zona algu despues di 2’or di mardugá. Despues di e yega na e sitio, agentenan a haña sinku persona heridá di bala segun Manley a indiká.
El a agregá ku un muhé a keda deklará morto na e sitio i tres mas a keda transportá pa un sentro médiko Universitario Brackenridge ku heridanan di bala. E heridanan tabata grave, pero e bida di e víktimanan no tabata na riesgo. Segun indikashon di outoridatnan.
Un otro víktima a ninga pa wòrdu transportá pa hospital, segun Manley a bisa.
El a agregá ku outoridat kier determiná ken ta outor di e tiroteo aki i no a deskartá ku por ta un di e personanan transportá pa hospital.
