Titi, Dwight, Quincy i Catan: ‘Kings of Hits’

... Gino Genaro, Derrel ‘Titi’ de Palm, Dwight Leoneta i Quincy Comenencia ...

WILLEMSTAD.- Ayera tardi a tuma lugá e rueda di prensa relashoná ku e di dos edishon dje popular fiesta ‘Kings of Hits’ ku lo tuma lugá dia 30 di novèmber próksimo den WTC. Dwight Leoneta, Quincy Comenencia, Derrel de Palm i Gino Genaro a duna informashon relashoná ku e fiesta ku aña pasa den su promé edishon tabata un konsepto ku nunka promé a keda presentá.
‘Kings of Hits’ ta un konsepto kaminda 4 produktor musikal ta presentá nan éksitonan di mas grandi di pasado i presente durante di un anochi karga ku ambiente i bon músika.
Pa e di dos edishon a atraé Jonathan ‘Catan’ Carolina komo e produktor musikal ku ta djòin e trio di Dwight, Titi i Quincy pa huntu ta ‘Kings of Hits 2019’.
KANTANTENAN
Tsean, Qshansz, Rocco, Djudju V, Hnly, Gigi, Ray Lauffer, Clifton End, Buddy, Dibo D, Amos, Ray Kelly, Clinton Hato i algun sorpresa mas lo interpretá e éksitonan ku a keda produsí pa e 4 reinan di éksito.
SET UP
Quincy Comenencia a indiká ku e mesun ‘set up’ di aña pasa lo keda usa e aña aki tambe, pues lo tin tres pasarela ku lo duna e kantantenan e oportunidat pa por yega mas serka dje públiko durante di nan presentashon.
ARMY OF 14
Meskos ku aña pasa, e formashon musikal, Army of 14, bou di direkshon di Gino Genaro lo kompaña e kantantenan. ‘Army of 14’ ta un konstelashon musikal forma pa musikonan di diferente banda lokal ku ta uni spesialmente pa e okashon di ‘Kings of Hits’.
PIESANAN NOBO
Dwight a informá mas aleu ku tin algun produkshon musikal ku próksimamente lo keda lansa promé ku e fecha di 30 di novèmber próksimo. Menshon a ser hasi di un produkshon musikal ku lo konta ku partisipashon di diferente kantante.
KARCHI
Entrante awe karchinan lo ta riba merkado i optenibel na Beep Beep Rio, Mensing’s Caminada i na 24 uur uit de muur. Karchinan pa VIP ta optenibel yamando 513-2841.
‘Kings of Hits’, tras di kada kansion faborito tin un kuenta, un memoria ku hopi emoshon!. Bin ‘Kings of Hits’ i biba tur di nobo!.

SHARE

LEAVE A REPLY