MINNEAPOLIS, MERKA, AFP.- Minneapolis a deklará e toke de keda pa para e ola di insidente ku ta tumando lugá den e siudat komo konsekuensia di e agente ku a mata e merikano koló skur George Floyd.
E fiskal Mike Freeman a bisa ku fiskal a akusá e agente ku asesinato no premeditá.
E video ku a bira viral, kaminda por mira e insidente entre e polis i Floyd a kousa protestanan na Minneapolis, kaminda vários trupa a wòrdu desplegá djabièrnè riba e terser anochi di disturbio. E alkalde di e siudat a introdusí un toke de keda apsoluto pa evitá ku e insidentenan ta ripití.
E brutalidat polisial kontra e komunidat koló skur a kousa protesta den vários siudat mas.
Eks presidente Barack Obama, a bisa ku e ta kompartí angustia di miónes di persona pa morto di Floyd, i a bisa ku rasismo “no por bira normal” den aña 2020.
