Kuminda di manifestantenan pro-migrante dilanti di Delaney Hall, e sentro di detenshon di Immigration and Customs Enforcement (ICE)
NEW YORK, MERKA, AFP.- A deklará un toke de keda djadumingu den e siudat merikano Newark, serka di New York. E toke de keda ta debí na konfrontashonnan entre polis i manifestantenan kontra e reglanan migratorio di presidente Donald Trump.
E medida ta afektá e zona serka di e sentro di detenshon di migrante na Newark, New Jersey. Esaki lo dura di 9or di anochi te 6or di mainta, segun indikashon di un komunikado.
E establesimentu ku tin 1.000 kama i kual ta keda operá di forma privá ta foko di protestanan ya pa vários dia kaba.
E manifestashon di djasabra tabata pasífiko i a inkluí un marcha di sosten pa ICE. Algun persona a purba pasa dor di barikadanan di polis, kual a pone ku e agentenan mester a usa gas lakrimógeno.
“Mi no sa dikon e individualnan aki a ataka ni kiko nan ke logra. Pero mi ta ninga di permití ku e aktonan peligroso aki ta perhudiká e kompromiso di New Jersey pa garantisá seguridat públiko”, asina e gobernador demókrata di Estado, Mikie Sherill a bisa riba X.
E protesta a kuminsá ku un wèlga di hamber i trabou di detenidonan na Delaney Hall.
\
Agentenan polisial pafó di Delaney Hall kaminda manifestantenan a klèsh ku agentenan di ICE pa motibu di e kondishon ku e detenidonan ta biba aden
