LOS ANGELES, AP.- E último aliento di un sistema severo di wenter a kastigá California djaluna ku áwaseru torensial i bientu fuerte. Esaki a kibra rèkert di áwaseru, inundá kaminda i krea olanan enorme durante fin di siman. Por lo ménos kuater persona a muri i vários a wòrdu reskatá di áreanan kaminda e awa a inundá durante e tres tormentonan ku a los den kuater dia. Hagel a kai na kosta nortost di Los Angeles den kondado di Santa Barbara, kaminda a saka un atvertensia di warwarú pa un período kòrtiku. No a reportá ningun tòrnando, pero e rafaganan di bientu a yega 97 kilometer pa ora.
Prekoushon i atvertensia di Inundashon a sigui pa gran parti di sùit di California, un dia despues ku a akumulá 10 centimeter di áwaseru na sùit di Los Angeles, ku inundashonnan riba kaminda, kaida di áwaseru i e posibilidat di deslave.
Tráfiko tabata kompliká pa e shofùrnan. A pronostiká ku e áwaseru lo pèrdè intensidat, pero ta kontinuá te ku mart. E shofùrnan a risibí atvertensia pa manehá ku koutela den serunan kaminda sneu a kai bastante.
Servisio Meteorológiko Nashonal a atvertí ku e sistema por kombertí den un di etormentonan mas fuerte di último añanan.
