BAR ELIAS, LIBANO, AP.- Un tormenta di sinku dia ku a  asotá Líbano ku áwaseru fuerte i sneu, tabatin un efekto amargo pa míles di refugiado ku ta biba den tènt i vaye oriental di Bekaa, na Líbano. E mal tempu a obligá mayoria persona pa desplasá debí na e destrukshon pa e áwaseru i sneu fuerte.

“Mi a pèrdè tur kos”, asina un refugiado a bisa. E mester drumi durante sinku anochi riba un stul debí na e awa, asina el a agregá.

E agensia di refugiado di Nashon Uní a bisa djaweps ku 361 sitio di refugio pa 11.000 sirio a sufri dañonan konsiderabel.

E tormenta a kompliká e kondishon di bida di e refugiadonan na Líbano, kual ta akohé e porsentahe mas grandi di refugiado na mundu ku kasi 1 mion. Esaki ta un kuart parti di pueblo di e pais.

E tormenta a kousa daño den e pais kompleto, kaminda riunan yen a kousa morto di un mucha muhé sirio di 8 aña.

Tur kuminda, paña i kolchon den e refugiadonan su tènt a bai pèrdí.

 

LAGA UN KOMENTARIO

Please enter your comment!
Please enter your name here