WILLEMSTAD.- Tormenta Tropikal “Irma” a sigui intensifiká rápidamente i awor ta un orkan di kategoria dos. E tabata moviendo awe mainta den direkshon wèst nortwèst i ta antisipá ku e lo bira un orkan fuerte próksimo dianan di kategoria tres òf kuater. Por lo pronto e orkan aki no ta menasá ningun isla òf pais, pero otro siman e por bin bira un menasa serio pa parti nortost di Área di Karibe. Ounke e sistema aki no ta un menasa pa Kòrsou, Servisio Meteorológiko Kòrsou lo sigui pasonan di “Irma” ku hopi atenshon próksimo dianan.
Kòrda ku por haña mas informashon riba tantu “Irma” komo Depreshon Tropikal “Harvey” riba nos website na: http://www.meteo.cw/about_links.php?Lang=Eng&St=TNCC.
