MIAMI, AP.- E tormenta tropikal ‘Kay’ a forma dilanti di kosta mehikano den oséano pasífiko.

Durante di djabièrnè mardugá, e bientunan máksimo di e tormenta tabata kasi 65 kilometer pa ora i no ta sperando kambionan signifikativo den su potensia. Asina Sentro Nashonal di Orkan di Merka a indiká.

E episentro di ‘Kay’ ta 455 kilometer na sùitsùitwèst di e ekstremo sùit di e península mehikano di Baja California i ta avansando den direkshon nortwèst ku kasi 13 kilometer pa ora.

Den atlántiko, e tormenta tropikal Fiona ta desplasá ku mas rapides. Su bientunan máksimo ta kasi 75 kilometer pa ora i ta spera ku esaki lo debilitá pa fin di e siman aki.

Fiona ta 2.080 kilometer na wèst di archipiélago afrikano Cabo Verde i ta moviendo den direkshon wèst–nortost, ku kasi 17 kilometer pa ora.

LAGA UN KOMENTARIO

Please enter your comment!
Please enter your name here