THESSALONIKI, AP.- Shete persona a muri den un tormenta potente ku a asotá nort di Gresia, segun informashon di outoridat griego djaweps.
E kadaver di e séptimo víktima a wòrdu deksubri den laman. Ta trata di un piskadó di 62 aña ku tabata pèrdí. Su restunan a wòrdu haña den un helikòpter di forsa aéreo 6,8 mia di e kosta di península Halkidiki. Su famianan a identifik’é segun informashon di wardakosta. E piskadó a sali djárason atardi, promé ku e tormenta a kuminsá asotá e pais. e tabata pèrdí desde e momentu ei.
E fenómeno a ranka palu i palunan di lus abou. Esaki a bòltu vários outo i laga ruina a lo largo di e kosta kompleto.
E region a deklará un emergensia estatal, un península serka di e siudat di Thessaloniki, na nort di Gresia. E área ta haña hopi bishita di turista durante e temporada aki.
E bosero di e gobièrnu di Telio Petsas a bisa ku 23 persona ta interná den hospital, inkluyendo un dama den kondishon kritiko. Tabatin dos turista di Rusia, dos di Repúblika Cheko i dos di Rumania entre e mortonan.
