Trabounan pa limpia área destruí pa kandela

WILLEMSTAD.-Awe a kuminsá ku trabounan pa basha e ruina di e edifisio di Krus Kòrá na Suffisant abou. Un kandela feros a destruí e edifisio di Krus Kòrá na fin di mei último. Investigashon a demostrá ku a surgi un korto sirkuito den e edifisio i esei a kousa e kandela. Na momentu ku e kandela a kuminsá tabatin bastante boluntario di Krus Kòrá trahando paketenan di kuminda ku Krus Kòrá ta parti pa esnan den nesesidat.

Awe e trabounan a kuminsá pa basha e restunan abou pa asina pronto por kuminsá prepará pa konstrukshon di un edifisio nobo. Ban spera ku tur esnan ku a primintí yudansa na Krus Kòrá lo kumpli pasobra ta bon konosí ku Krus Kòrá ta brinda yudansa grandi na komunidat. Den kaso kalamidat semper Krus Kòrá ta pará kla p’esei e yudansa na Krus Kòrá ta di gran balor.

SHARE

LEAVE A REPLY