NEW YORK (AFP).- Trahadónan dje fábrikanan di sektor di defensa di Boeing na St. Louis, Merka, ta sigui den wèlga despues ku e miembronan dje sindikato a rechasá un oferta nobo dje gigante di aviashon. E wèlga a kuminsá dia 4 di ougùstùs ku 3.2000 trahadó na Missouri, den Illinios, representá pa e sindikato Distrito 837 di Asosashon Internashonal di Mashinistnan i Trahadónan Aeroespasial (IAM).
Esaki a bira e di tres biaha ku nan ta rechasá oferta dje empresa, i Boeing a señalá den un komunikado ku no a programá kòmbersashon nobo. “E oferta modifiká di Boeing no a inkluí un prima di sufisiente insentivo kompará ku loke otro trahadónan di Boeing a risibí”, segun e sindikato a splika ayera.
IAM ta un dje sindikatonan di mas grandi di Merka i ta representá den kareda di 600.000 trahadó di industrianan di aeroespasial, defensa, konstrukshon naval i transporte.
Na St. Louis Boeing ta produsí avionnan di kombate F-15 i F-18, e Sistema Vansa di Kapasitashon di Pilotonan T-7 Red Hawk i e avion sin tripulashon MQ-25.
E fábrika originalmente tabata parti dje empresa McDonnell Douglas, ku Boeing a kumpra den 1997.
