PARIS, FRANSIA, AFP.- Míles di trahadó di salubridat franses no vakuná ta enfrentá suspenshon sin pago desde ayera, bou di un lei nobo di COVID-19 ku ta kastigá tur trahadó di salubridat ku ninga di vakuna kontra e vírus.
Presidente Emmanuel Macron a duna e trahadónan, inkluyendo personal di hospital, trahadónan di kasnan di ansiano i servisio di bombero un ultimatum di 15 sèptèmber pa nan tuma e vakuna òf renunsiá.
Dos luna despues, míles di trahadó di salubridat ta sigui resistí, oumentando interupshonnan di servisionan di salubridat pa motibu ku vários fasilidat lo mester duna nan empleadonan retiro.
Un hospital na sùit di Montelimar a konfirmá ku ya a kuminsá kanselá operashonnan ku no ta urgente pa motibu di skarsedat di anastesistanan vakuná.
E union di sektor públiko CGT a atvertí ku lo bini un “katástrofe di salubridat” di gobièrnu suspendé kantidatnan grandi di trahadónan di hospital i dòkternan di kas.
Pero promé minister Jean Castex a bisa luna pasá ku gobièrnu “lo no hala atras” di su desishon.
