Trahadónan Isla desidido!

WILLEMSTAD.-E situashon na porta di Isla ta birando ora pa ora mas serio. EXTRA ta na e sitio for di un prinsipio i ta tuma bon nota kada paso ku e grupo ta dal. E trahadónan tabata hopi fuerte ku nan lidernan mustrando ku nan no ta dispuesto na warda mas.

E trahadónan di Isla ta indiká ku nan a warda ayera i nan a warda awe mainta, pero nan no ta dispuesto na warda mas. EXTRA a tuma nota ku vários a disidí na tapa nan kara pa asina ta difísil pa por rekonosé ken nan ta. E trahadónan ta pèrdiendo pasenshi manera EXTRA ta tende nan bisa nan lidernan.

Un ratu pasá e trahadónan aki a disidí ku ta blòkia porta di Isla, Pòst 7, pero nan a blòkia e entrada parti di paden. Buskando informashon riba esaki EXTRA a komprondé ku esei ta parti di e strategia pasobra komo trahadó di Isla nan por ta riba tereno parti paden. Si tene e porta sera polisnan no por drenta, pues asina outoridatnan no por aktua kontra e trahadónan aki. Mas detaye den edishon di EXTRA.

SHARE

LEAVE A REPLY