Na Perú pa un luna kaba nan ta biba den estado di emergensia debí na kantidat hopi haltu di krímennan ku ta asotá e pais.
LIMA, Perú (AFP).- Diestres persona a keda deskubrí morto den un mina di oro despues ku algun dia pasá a denunsiá nan sekuestro den e siudat di Pataz, den nort di Perú.
E víktimanan tabata trahadónan di un kompania ku ta duna servisio na Poderosa, un importante kompania ku ta kotisá den Bolsa di Balor di Lima, ku den último lunanan tabata blanko di gruponan armá relashoná ku kobamentu ilegal pa yega na oro.
Pataz, ubiká na 900 kilometer dje kapital Lima, ta den estado di emergensia debí na oumento di violensia den e keintura di oro.
Segun Poderosa, a totalisá 39 kolaborador, trahadónan di mina i otronan ku ta keda matá pa gèngnan kriminal ku a tuma kontròl dje área.
“E spiral di violensia for di kontròl ku Pataz ta bisa, apesar di deklarashon di estado di emergensia i presensia di un importante grupo di polis, lamentablemente no a logra frena e deterioro dje kondishonnan di seguridat den e zona”, segun atministrashon dje mina di oro.
Perú ta bibando un ola di ekstorshon i kriminalidat violento ku a pone ku outoridatnan mester a dekretá estado di emergensia na vários punto dje pais.
