PARIS (AFP).- Transavia lo kobra pasaheronan ku ke bai ku maleta den  kabina di avion. Esei lo ta e kaso kuminsando aprel benidero, segun e grupo Air France-KLM, señalando ku otro kompanianan ya ta hasi esei.

E  medida aki tin di aber ku maletanan di kabina, ku te na e momento aki e pasahero por a hiba grátis. Transavia tabata kobra pa solamente pa ekipahe den bodega.

Kuminsando 3 di aprel, e tarifa básiko lo permití pa hiba “ekipahe di man” di tamaño chikí (40x30x20 cm), ku por bai bou di asiento.

E opshon di maleta den kabina lo keda  kobrá na rason di 15 euro (16 dollar) pero “e montante lo varia segun e destino eligí i e fecha di reserva”, segun e mesun fuente. E maletanan no mester ta mas grandi ku 55x35x25 i 10 kilo, de lo kontrario, nan lo tin di bai den bodega.

Benjamin Smith, direktor general di Air France-KLM a defendé medida ku “ya otro kompetidornan di Transavia ta apliká”.

Klientenan ku skohe pa tarifa “MAX”, mas fleksibel pero mas karu, lo por sigui biaha ku ekipahe di man (40x30x20 cm), un ekipahe di kabina grandi (55x35x25 cm) i lo tin preferensia ora di embarká”, segun Transavia.

LAGA UN KOMENTARIO

Please enter your comment!
Please enter your name here