WILLEMSTAD.- Ayera nochi den Punda tabatin un tremendo antesala di Curaçao North Sea Jazz Festival organisá pa Ministerio di Desaroyo Ekonómiko.
E aña’kí Jazz Vibes a keda ampliá ku ‘Jazz Vibes Music & Art Education Week’.
E konsierto di ayera nochi a konta ku presentashon di Tempo Music, AXL & Friends i Hershel Rosario & Friends.
E públiko presente, bon públiko porsierto, sigur a disfrutá dje presentashon di e agrupashonnan musikal.
Awe mainta i awe parti mèrdia lo tin dos ‘masterclass’ grátis. Ámbos ta tuma lugá den e sala na Amazia, Parera. Awe mainta 9or pa 12or di mèrdia, Ben Yonas lo presentá na MEO: “Music Beyond the Stage – Building Sustainable Careers, Global Markets & Curaçao’s Music Industry.”
Atardi, di 2:30 pa 4:30, Dr. Pecou i Esohe Galbreath lo duna e ‘masterclass’ kreativo “From Artistic Voice to International Opportunity – Building a Sustainable Creative Practice.”
Riba potrètnan nos por apresiá algun momentu durante dje konsierto di ayera nochi.
