WILLEMSTAD.- Riba e anochi final di Festival di Tumba 2025 AMAK a sòru pa un tremendo homenahe na Doña Elia Isenia.
Minister Cey van Heydoorn i direktiva di AMAK a hasi entrega di un plakat di mérito na Elia. Gio Fuertisimo a subi tarima i a presentá un ‘medley’ dje éksitonan mas grandi di Elia Isenia den Festival di Tumba. E chèri riba e bolo tabata e kantantenan femenino ku a subi tarima pa interpretá e tumbanan. Remaisha, Gigi, Christeline i Shero a interpretá e tumbanan den kompania di Elia. Un tremendo homenahe ku públiko gosando dje presentashon.
