Eks-presidente di Merka, Barack Obama, na momento ku ayera el a hiba palabra durante dje entiero di reverendo Jesse Jackson na Chicago.
CHICAGO, USA (AFP).- Tres eks-presidente demokrat di Merka a asistí ayera na e entiero di Jesse Jackson, un dje pilarnan di lucha pa derechinan i kende a muri na edat di 84 aña. E eks mandatarionan Barack Obama, Bill Clinton i Joe Biden tabata presente i mester a hiba palabra miéntras ku un imágen di Jackson, iluminá na blou, a keda proyektá riba un pantaya enorme.
Entre e oradornan pa e seremonia a figura e eks vise presidente Kamala Harris, e gobernador di Illinois, J.B. Pritzker, i e alkalde di Chicago, Brandon Johnson.
Jackson, kende a muri dia 17 di febrüari, tabata un kolaboradó hopi yegá na Martin Luther King Jr. den dékada di 1960 i tabata un bos destaká di afroamerikanonan den e esena norteamerikano durante mas ku seis dékada.
Jackson tabata defensor dje fin di apartheid den Suráfrika i, den dékada di 1990, tabata enviado spesial di presidente Bill Clinton pa Afrika. Tambe el a tuma parti den mishonnan pa liberashon di prezunan norteamerikano na Siria, Irak i Serbia.
