NAIROBI, KENIA, AP.- Tres muhé a wòrdu matá despues di ataká un komisaria na kosta di Kenia, segun polis a bisa djadumingu. Un di e muhénan a tira un bòm di petroli kontra dos agente i un otro a saka un kuchú, segun informashon di e hefe di polis di Mombasa, Peterson Maelo, kende a agregá ku dos agente a resultá heridá den e atake.E muhénan, ku kara tapá, a wòrdu matá pa polis. Maelo a indiká kue sospechosonan a yega e stashon di polis alrededor di 10: 30 di mainta pa reportá un ladronisia di telefòn. Na momentu kue polisnan tabata tumando detaye di e telefòn hòrtá, un di nan a saka un kuchú i un otro a tira un bòm di petroli riba e agentenan den e ofisina kaminda nan mester a denunsiá. Asina el a agregá.Ningun grupo a atribuí na e atake mesora.
Kenia ta enfrentá un peliger konstante di atake di milisianonan di un grupo somalí al-Shabab, kende a primintí di tuma represaya pa presensia di trupanan keniano na Somalia.
