TUSCALOOSA, AP.- Tres pareha kasá a muri den un aksidente aéreo na Alabama ora un avioneta ku a sali for di Florida pa Oxford, Mississippi a hañ’é ku problema ku e motor, asina outoridatnan a duna di konosé.
E tres parehanan tabata biba na Oxford, Mississippi kaminda djaluna último banderanan tabata na mitar en konekshon ku pèrdida di tantu bida pareu. E alkalde di Oxford George “Pat” Patterson no tabatin palabra pa bisa. Amigu, famia i funshonarionan a identifiká esnan ku a fayesé kual ta e dentistanan Jason Farese i Lea Farese nan kolega Michael Perry i su kasá Kim Perry kende ta zùster na e universidat di Mississippi i e dentista Austin Poole i su kasá Angie Poole. Total e tres parehanan tabatin 11 yu. Den e korant Oxford Eagle a reportá ku avioneta a kai na momentu ku e seis pasaheronan tabata biniendo kas bèk for di un seminario di djente ku nan a bishitá na kapital di Florida. Patterson ku konosé e víktimanan a bisa ku tabata un dia tristu. Polisnan a duna di konosé ku e avion tabatin problema pero no a duna mas informashon. Tampoko no sa si e pilotnan tabatin plan di para na Alabama promé ku e avion tabatin problema. Heidi Kemner kual ta e persona ku ta hasi investigashon di e Junta Nashonal di Seguridat den Transporte a bisa djaluna último ku nan ta trata na haña datonan di mantenshon di e avion. Djis despues di e kaida rescue a presentá pero no por a hasi pa salba bida di e seis personanan.
