BATON ROUGE, LOUISIANA, MERKA, AP.- Tres polis di Baton Rouge a keda asesiná i tres mas heridá den un atake djadumingu, ménos di dos siman despues ku agentenan a mata un hòmber koló skur den un konfrontashon ku a sòru pa vários protesta den e siudat i otro partinan di e pais.
E agresor a muri na e sitio, segun indikashon di polis. Outoridatnan polisial a kere ku tabatin mas atakante ku a hui, pero algun ora despues nan a bisa ku e hòmber armá ku nan a mata tabata e úniko ku a tira kontra polis.
Sinembargo, un bosero di polis estatal a bisa ku e investigadornan no ta sigur si e hòmber ku a wòrdu matá pa polis a risibí asistensia di mas persona.
“Te ainda nos por bisa ku el a aktua su so”, asina Doug Caina deklará.
Dos persona a keda detené den e lokalidat serka diAddisiCainiawòrdu deskribí komo “persona di interes”.
E agresor a keda identifiká komo Gavin Long kende ayera por sierto a kumpli 29 aña.
E hòmber aki a sirbi den Guera na Medio Oriente i asta a keda honra ku medaya. E polisnan ku a muri a keda identifiká komo Brad Garafola di 45 aña i 24 aña trahando komo polis, Montrell Jackson i Matthew Gerald.
E konfrontashon ta e di kuater mortal i di gran atenshon di media relashoná ku agentenan den último dos siman.
E atake a kuminsá na un pòmp di gasolin riba e outopista Airline. E kadaver di e atakante armá a keda serka di e porta pafó di un gimnasio. Polis a bisa ku a usa un robòt spesialisá pa revisá si e tabatin eksplosivo serka di su kurpa.
