GUATEMALA, AP.- Un tribunal di Guatemala a ordená ekstradishon di Javier Duarte pa México.
E eks gobernador mehikano di estado di Veracruz, detené den e pais sentroamerikano for di aprel ta akusá pa aktonan di korupshon.
Djamars atardi, Tribunal a aseptá solisitut di ekstraditá Duarte inmediatamente.
Despues di tribunal su desishon, tres dia mester pasa pa e proseso por sigui i warda kualkier apelashon. Tribunal mester notifiká Korte Supremo di Hustisia riba su resolushon i na su turno mester avisá kansier guatemalteko. Finalmente, esaki mester koordiná ku outoridat mehikano riba e traslado di Duarte pa su pais.
México a formulá un segundo pedido di ekstradishon debí ku el a malversá 220 mion peso durante 2015. Segun Prokurador general di e pais, Duarte a desviá miónes di dòler pa atkirí vienes i edifisionan pa su mes i konosínan i pa usa esaki pa empresanan fantasma.
