LIMA, AP.- Tribunal Konstitushonal di Perú a aprobá un solisitut di habeas corpus pa liberá e lider opositor Keiko Fujimori.
E presidente di tribunal, Ernesto Blume, a anunsiá ku e rekurso legal presentá pa Sachi Fujimori, ruman di e polítiko enkarselá, ku kuater voto na fabor i tres kontra.
Fujimori di 42 aña, a keda enkarselá di forma preventivo desde òktober 2018 miéntras ku el a wòrdu investigá pa labamentu di plaka. Fiskal ta argumentá ku el a risibí plaka shushi di e kompania di konstrukshon Odebrecht pa su kampaña presidensial di 2011 i 2016. Keiko a keda derotá na ámbos okashon.
E tata di Keiko, Alberto Fujimori, tambe ta kumpliendo ku un kondena di 25 aña di prizòn pa su responsabilidat den asesinato di 25 peruano na man di un grupo klandestino di militar durante e promé añanan di su gobièrnu, entre 1991 i 1992.
