WASHINGTON (AFP).- Un tribunal federal di apelashon di Merka a pone un banda e solisitut di Donald Trump pa posponé e prosesonan legal relashoná ku pago bèk dje plaka rekoudá i di parti di gobièrnu federal den kaso di impuestonan. Korte Superior a propiná un derota severo na e polítika komersial di Trump ku anulashon di hopi impuesto imponé pa e republikano for di despues di su regreso den White House den yanüari di aña pasá.
E desishon akí a habri porta pa empresanan kuminsá un bataya legal pa Washington duna bèk e plaka ku nan a paga pa e impuesto aki di importashon. Djabièrnè último White House a solisitá pa posponé pa kuater luna e desishon promé ku gobièrnu mester paga e sèn bèk.
Gobièrnu federal a kobra mas ku 130.000 mion dòler dje impuesto akí den ménos ku un aña. E solisitut a keda nengá ayera den un órden di Tribunal di Apelashon dje Sirkuito Federal di Merka.
