KINGSTON, AP.- Outoridatnan di Trinidat i Tobago a bisa djarason ku nan ta lamentá si mashinnan pisa usa den obranan a trapa webunan i krio di turtuganan den un sekshon di un playa ku e animalnan den peliger di ekstinshon ta uza komo nèshi.
Den un komunikado, e gobièrnu a enfatisá ku e obra realisá den fin di siman pa move santunan di playa Grand Riviere tabata primordial pa desviá un riu ku tabata menasa zonanan mas ekstenso.
E direktor Shamshad Mohamed a insistí ku e aria kaminda nan a usa ekskavadornan ya tabata yena ku awa i ku 80% di e webunan ya a wòrdu destruí. El a afirmá ku outoridatnan “ta lamentá di bèrdat e matansa di e kriaturanan marino magnifikonan aki”.
Habitantenan di pueblo lokal a bisa di a logra reskatá algun shen turtuga resien nasi ku a wòrdu dera pa e mashinnan, pero otronan ya tabata herida òf a keda kome pa para òf kachónan.
Grand Riviere ta e playa kaminda mas tantu dje turtuganan ta pone webu.
