E dos vehíkulonan ku tabata envolví den e aksidente na Tanzania, ku a kosta bida di trintiocho persona.
DAR ES SALAAM (AFP).- Por lo ménos 38 persona a muri i 28 a resultá heridá den un aksidente entre un bùs i un mikrobùs den Dar es Salaam, Tanzania.
E aksidente a tuma lug5 despues ku un tayer dje bùs a rementá i e shofùr a pèrdè kontròl riba su vehíkulo. “Un total di 38 persona a muri”, segun presidensia di Tanzania, agregando ku ”trintiseis kurpa no por a keda identifkiká debí na e kurpanan kimá”.
Mas aleu bintiocho persona a sufri leshon den e aksidente, di kua seis a keda interná den hospital.
Presidente di Tanzania, Samia Suluhu Hjassan, a hasi un yamada riba ”tur shofùr dje pais pa nan tin hopi kuidou i respetá reglanan di tráfiko”.
Den un informe riba seguridat di kaminda públiko den 2018, Organisashon Mundial di Salú a señalá ku sifranan ofisial di Tanzania di 2016 ta referi na 3.526 morto den tr5fiko e aña ei.
Pero e agensia di Nashonnan Uní ta kalkulá ku e sifra real ta varia entre 13.000 pa 19.000 pa aña.
