WASHINGTON, AP.- Presidente Donald Trump a aseptá un invitashon di presidente di Kámara di Representante Nancy Pelosi, pa rendi su informe riba Estado di Union riba 5 di febrüari.

Den un karta dirigí na Pelosi, Trump a bisa djaluna ku ta un “gran honor” p’e i ku e ta aseptá e invitashon pa papia dilanti un seshon konhunto di Kongreso otro siman.

“Nos tin hopi kos pa konta”, asina el a skibi.

E diskurso a wòrdu programa pa 29 di yanüari, pero Pelosi a kanselá esaki debí na e siere parsial di gobièrnu ku a dura 35 dia. ta promé biaha ku un presidente di Kámara di Representante ta kanselá un invitashon pa pronunsiá e diskurso di Estado di Union. Senado i kámara di Representante mester aprobá e resolushon ku ta invitá Trump ofisialmente pa papia durante un seshon konhunto di Kongreso.

 

LAGA UN KOMENTARIO

Please enter your comment!
Please enter your name here