WASHINGTON, AP.- Presidente merikano Donald Trump a bolbe menasá di manda sòldatnan armá na frontera ku México despues di un insidente kaminda sòldatnan mehikano a konfrontá militarnan di Merka. México a atribuí e insidente na un konfushon, i a afirmá ku no ta buskando un konfrontashon ku Merka.

E luna aki, dos sòldat merikano den un área isolá na Texas a wòrdu konfrontá pa sòldatnan mehikano ku a kere nan a krusa yega México. Segun dokumentonan, e sòldatnan mehikano a desarmá un di e merikanonan.

“Despues di un diskushon kòrtiku entre e sòldatnan di e dos nashonnan, e miembronan di forsa armá mehikano a bandoná e área”, segun indikashon di un komunikado di Komando Nort.

E presidente mehikano Andres Manuel Lopez Obrador a komprometé na revisá e kaso i aktua di forma responsabel.

“Mi ta spera ku esaki no ta sosodé atrobe. Awor nos lo manda sòldatnan armá na frontera. México no ta hasiendo sufisiente pa detené i regresá e migrantenan”.

Aña pasá Trump a manda sòldatnan na frontera pa asistí agentenan ku mester a akohé e karavana di migrantenan sentroamerikano ku a biaha atraves di México ku speransa di yega Merka. mayoria sòldat ta armá.

 

LAGA UN KOMENTARIO

Please enter your comment!
Please enter your name here