WASHINGTON, AP.- Presidente Donald Trump a deklará un emergensia nashonal pa kumpli su promesa di konstruí un muraya na frontera ku México
Ademas di esaki, el a firma e akuerdo di presupuesto di Kongreso, kual ta evitá un paralisashon mas di gobièrnu i outorisá un suma limitá di plaka pa konstruí e muraya. Trump a firma e dokumento djabièrnè na Kas Blanku, segun e bosero Sarahh Sanders.
E deklarashon di Trump di un emergensia a kousa kritiká inmediato entre ámbos partido di Kongreso, kual sigur lo derivá den diferente demanda hudisial.
Den su anunsio desde Kas Blanku, e presidente a sigurá ku inmigrashon ilegal ta “un invashon den nos pais”.
E plaka designá pa un separashon na frontera, 1.400 mion dòler, ta leu di e 5.700 mion ku Trump a insistí ku e mester. E suma ku Trump lo risibí ta kubri solamente un kuart parti di e 322 kilometer ku e kier konstruí e aña aki.
E presidente di kámara di representante, demókrata Nancy Pelosi i demókrata di senado, Chuck Schumer a kalifiká e “deklarashon unu ilegal kontra un krísis ku no ta eksistí”. Nan a agregá ku “e ta violá nos konstitushon i ta hasi Merka ménos safe, hòrtando fondo for di defensa di seguridat ku nos militar i nos nashon mester di dje ku urgensia”.
