WASHINGTON, AP.- E estilo erátiko i kombatiente di Donald Trump a logra ku el a haña hopi enemigu den su promé aña komo presidente, pero asina mes el a logra haña sufisiente respaldo entre su kompañeronan republikano pa logra algun triunfo legislativo.
E logronan prinsipal di Trump tabata e konfirmashon di Neil Gorsuck komo hues di Korte Supremo i reforma di e sistema di impuesto, i en realidat ámbos medida a wòrdu lográ ku relativamente tiki kontroversia. Pero gran parti di tempu a republikanonan a protagonisá duda i resistensia, partikularmente den su intentonan pa derogá e reforma di e sistema di salu i pa ehersé e poder efikas ma básiko di gobernashon.
E tempu pa evitá un siere di gobièrnu a wòrdu kumplí i a evitá un default, danki na un entendimentu temporal ku lidernan demókrata prinsipal Nancy Pelosi i Chuck Schumer. Pero e solushon pa muchanan inmigrante ku a wòrdu tresé e pais pa nan mayornan ilegalmente no a wòrdu resolvé.
Na vários okashon ta parse ku Trump tabata mas interesá pa kuminsá peleanan riba Twitter ku goberná.
