WASHINGTON, AP.- Presidente Donald Trump a pone importansia djamars riba e akusashonnan riba kondukta seksual inapropiá kontra e republikano Roy Moore, kende ta aspirá pa kombertí den senador di Alabama, i a pidi e votadónan pa no sostené su rival “liberal”.
Trump a papia ku medionan di komunikashon den Kas Blanku promé ku el a biaha pa su klup Mar-a-Lago na Palm Beach, Miami, pa kuminsá ku su deskanso di Dia di Thanksgiving.
Seis muhé a akusá Moore pa purba tene relashon romántiko ku nan na momentu ku nan tabata adolesente i e tabata asistente di e fiskal di distrito algu mas di 30 aña pasa. Dos a akus’é pa intimidashon òf abusu seksual. Moore a rechasá e akusashonnan.
