Presidente panameño, José Raúl Mulino
CIUDAD DE PANAMA (AFP).-E presidente di Merka, Donald Trump, a posponé pa motibunan di “agènda” e yamada di telefòn ku e tabatin planiá pa ayera tardi ku e presidente panameño, José Raúl Mulino, den pleno krísis pa kanal di Panamá, segun gobièrnu dje pais sentro amerikano a informá den un komunikado.
E kòmbersashon “a keda posponé awe (djabièrnè) pa kambionan di último ora den e agènda dje mandatario norteamerikano”, segun gobièrnu panameño a keda informá di parti di funshonarionan di White House.
E komunikado emití pa presidensia di Panamá, no a menshoná ningun fecha nobo pa e yamada.
E kòmbersashon a keda posponé un dia despues ku Mulino a tilda di “falsedat apsoluto” i “intolerabel” un anunsio di Departamento di Estado di Merka, segun kua Panamá a bai di akuerdo pa no kobra barkunan di gobiernu norteamerikano pa uzo dje kanal.
Merka i Panamá ta pasando den un krísis bilateral despues dje menasanan di Trump di “rekuperá” e kanal di Panamá bou dje argumento ku China ta esun ku ta operá e kanal pa komersio internashonal.
Presidente norteamerikano no a deskartá uso di forsa militar pa rekuperá e via entre oséano, konstruí pa Merka i ku a keda entregá na Panamá komo 25 aña pasá.
