WASHINGTON, AP.- Presidente Donald Trump a primintí di duna un mion dòler di su propio plaka pa labor di rekuperashon despues di tormenta Harvey, segun indikashon di Kas Blanku djaweps.
E bosero di Kas Blanku, Sarah Huckabee Sanders, a bisa den un konferensia di prensa ku e presidente ta pidi reporteronan pa yud’é disidí kua organisashon e mester duna su plaka na dje.
Den pasado, Trump a wòrdu krítika pa duna un porsentahe hopi abou di su entrada di kousanan karitativo, muchu ménos ku otro multimionarionan.
E áwaseru kousá pa Harvey a daña desena di míles di kas den Texas kompleto i a kousa morto di mas di 30 persona. E tormenta ta menasando e region serka di frontera entre Texas i Louisiana.
