WASHINGTON, AP.- Presidente Donald Trump a indiká djasabra ku su abogado personal Rudy Giuliani kier presentá informashon ku el a kolektá tokante su investigashonnan tokante Ukrania na sekretario di Hustisia i Kongreso.
Segun Trump, Giuliani no a pone na altura tokante kontenido di e informashon, ounke e mandatario a bisa ku el a “tende” ku e informashon aki ta abundante. “Mi no a papia kuné tokante e informashon aki”.
Giuliani, eks alkalde di New York, a bishitá Ukrania vários biaha pa investigá e posibel kontrinkante demókrata pa presidensia 2020, Joe Biden, i su yu hòmber, Hunter Biden tokante un posibel konspirashon ku Ukrania, i no Rusia, a intervení den elekshon di 2019 na Merka, pa yuda Hillary Clinton, e rival demókrata di Trump e temporada ei.
E mandatario ta enfrentando diferente akusashon kual por desaroyá den un huisio polítiko, kual ta e demókratanan di Kámara di Representante ta redaktando konforme petishon di Nancy Pelosi, presidente di e resinto legislativo aki.
