LIMA, AP.- E di VIII Kumbre di Amérika ku a inougurá awe na Lima, por ta un di e sitanan ku ménos konkurensia di hefenan di Estado desde su promé edishon na aña 1994.
E kanselashon sorpresivo di e mandatario di Merka, Donald Trump, kual lo tabata su promé biahe pa Latinoamérika, a uni por lo ménos kuater presidente mas.
E kubano Raul Castro, i e nikaragwense Daniel Ortega no a konfirmá su asistensia ainda, segun kansier di Perú a indiká na The Associated Press. Perú ta e pais anfitrion di e kumbre.
E presidente di Ecuador, Lenin Moreno a regresá su pais despues di aparishon di potrètnan di kadaver di tres periodista ekuatoriano sekuestrá na final di mart na frontera ku Colombia.
E hefenan di Estado di El Salvador, Guatemala i Paraguay a anunsiá ku lo manda remplasantenan debí ku nan mester regla asuntunan doméstiko den nan pais.
Perú a retirá invitashon di e presidente di Venezuela Nicolás Maduro basá riba e Deklarashon di Kumbre di Quebec di 2001, ku ta afirmá ku e alterashon di òrdu demokrátiko di un Estado ta ekskluí e pais di partisipá den e sita regional.
Maduro tin planiá di realisá un elekshon presidensial den mei kual a wòrdu kuestioná pa oposishon i vários gobièrnu estranhero.
Visepresidente Mike Pence lo remplasá presidente Trump.
