NEW YORK, MERKA, AFP.- Donald Trump i miembronan di su famia a gaña servisio di impuesto durante vários aña kaminda repetidamente nan a reportá un balor mas abou ku realidat di nan propiedatnan pa enrikesé nan mes, segun un demanda di fiskal di New York.
E fiskal estatal prinsipal, Letitia James, a bisa ku e eks presidente a entregá dokumentonan froudulento di su patrimonio i balorashonnan falsu di su aktivo “pa haña fiansa, benefisionan di seguro i paga impuesto mas abou”, i tur esaki ku yudansa di su yunan i otro personanan den Organisashon Trump.
E investigashon amplio aki ta solamente un di e vários investigashonnan penal, sivil i di Kongreso kontra Trump, ku posiblemente lo postulá komo kandidato presidensial di 2024.
E ofisina di James a pidi e eks presidente pa e paga por lo ménos 250 mion dòler na but ku el a haña ku su aktonan froudulento, i prohibí su famia di manehá negoshinan den e estado.
