NEW YORK, AP.- Presidente Donald Trump a pidi un hues federal pa blòkia un intento di fiskalnan na New York pa haña e registronan di su deklarashonnan di impuesto.
E abogadonan di e mandatario a presentá un demanda den Korte Federal di Distrito di New York kontra e fiskal di Manhattan, Cyrus R. Vance Jr., kende a sita e kompania di e presidente pa e entrega ocho aña di reembolso di impuesto estatal i federal.
E demanda no a wòrdu publiká mesora, pero e abogado di Trump, Jay Sekulow, a bisa na The Associated Press ku e demanda lo purba “atendé ku kuestionnan konstitushonal ku ta na peliger den e kaso aki”.
E demanda ta kuminsá ku un proseso legal den Trump su lucha largu pa evitá ku su deklarashonnan fiskal ta wòrdu publiká i miéntras e ta enfrentá un situashon similar na California.
Un lei nobo den e estado aki ta indiká ku e aspirantenan presidensial mester publiká sinku aña di deklarashon fiskal pa por partisipá den kontienda di mart 2020. E kampaña di Trump i e Komité Nashonal Republikano ya a demandá i djaweps lo tin un oudiensia den un korte federal na Sacramento.
