WASHINGTON (AFP).- Presidente di Merka, Donald Trump, ayera a duna di konosé ku NATO (North Atlantic Treaty Organization) “ta enfrentá un futuro hopi malu” si e aliadonan di Merka no yuda pa habri e kanal di Ormuz, ku ta klave pa transporte di petrolio i ku awor aki ta keda blòkiá pa Iran.
Den un entrevista kòrtiku ku The Financial Times, Trump a trese dilanti ku, meskos ku Merka a yuda Ukrania den e guera ku Rusia, e ta spera ku Europa lo koperá den e kanal di Ormuz, di kua su siere tabatin komo konsekuensia ku preis di petrolio a subi rònt mundu.
“Si no tin respuesta òf si ta un respuesta negativo (riba e petishon norteamerikano), mi ta kere ku esei lo ta hopi malu pa futuro di NATO”, segun el a agregá.
