….riba televishon di un kanal di Cairo por mira imágennan di Steve Witkoff i Jafred Kushner ku na negoshando pa Merka
WASHINGTON, MERKA, AFP.- Presidente merikano, Donald Trump, a bisa ku e por bai Medio Oriente na fin di e siman akí, ya ku un akuerdo di pas entre Israel i Hamas na Gaza ta hopi serka.
“Ta posibel ku mi lo bai einan den algun momentu den fin di siman, tal bes djadumingu”, segun Trump a bisa na periodistanan na Kas Blanku. “Nos lo wak, pero tin un bon probabilidat. E negosiashonnan ta avansando bon”.
“Nos negosiashon final ta ku Hamas, i ta parse ku ta bayendo bon. Nos lo laga boso sa, si esei ta e kaso nos lo bai einan”.
Trump a bisa di a kaba di papia na telefòn ku ofisialnan na Medio Oriente, kaminda tin un grupo ku a keda mand5 den e kaso akí Steve Witkoff i su suegro Jared Kushner ku a djòin e negosiashonnan na Egipto.
“Pas den medio oriente, esei ta un bunita frase i nos ta spera e lo bira realidat, pero e ta hopi serka i nan ta bayendo bon”, segun Trump.
